Júlíus Geirmundsson og Guðrún Jónsdóttir

Print Friendly, PDF & Email

 

 

 

Júlíus Geirmundsson var fæddur í Stakkadal í Aðalvík 26.maí 1884 og ólst þar upp hjá foreldrum sínum, Geirmundi Guðmundssyni og Sigurlínu Friðriksdóttur. Árið 1906 kvæntist hann Guðrúnu Jónsdóttur og sama ár keyptu þau hálfa jörðina Atlastaði í Fljótavík og hófu búskap og bjuggu þar fram að 16.júní 1946.

1941:   3.desember kváðu þeir Júlíus Geirmundsson og Jón Lárusson úr Númarímum og Göngu-Hrólfsrímum, samkvæmt Útvarpstíðindum, neðst til hægri. Þetta var tekið upp í Ríkisútvarpinu. (Sjá einnig árið 2014 hér að neðan)

1944:    20.maí, efst í vinstra horni er grein um Júlíus sextugan.

1951:   Vesturland birti minningagrein um Guðrúnu Jónsdóttur sem lést 24.mars, á ísafirði.

1954:   11.júní birtir Vesturland afmæliskveðju þegar Júlíus varð sjötugur (um miðja síðu).

1958:   16.ágúst  Hallfreður Arnarsson hljóðritar fjölda af rímum sem Július fór með.  Þessar rímur munu vonandi einhvern tíma verða aðgengilegar á síðunni www.ismus.is, en enn sem komið er er ekkert á bak við skráðan lista.  Ef þið veljið þennan hlekk, opnast síða með með nafni Júlíusar. Veljið (Hljóðrit 18) þarna efst og þá opnast listi með nöfnum rímnanna – en sem sagt – hljóðupptökurnar eru enn ekki komnar þarna inn . Samkvæmt upplýsingum sem standa að baki skráningar á þessum upptökum, voru þær gerðar á Ísafirði. Takið sérstaklega eftir fróðlegum skrifum Júlíusar Högnasonar efst á síðunni.

1962:   15.maí Nokkur minningarorð um Júlíus Geirmundsson (efst til vinstri) í “Vesturlandi. Sama dag birti Morgunblaðið minningargrein. Eitthvað hafa setjarar blaðsins verið að flýta sér því í yfirskrift er Júlíus sagður Guðmundsson en síðan er hann réttnefndur í greininni. “Ísfirðingur”  birti einnig minningargrein og sama gildir um Tímann. 

Börn Júlíusar og Guðrúnar gáfu fé til Slysavarnarfélagsins á Ísafirði, til minningar um foreldra sína. Fénu skyldi verja til að fullgera skýli félagsins í Fljótavík.

1971:   Í málsgagni Framsóknarflokksins á Vestfjörðum – Ísfirðingi – komst Sverrir Hermannsson svo að orði fyrir Alþingiskosningar : Sagt er að síðasti ábúandinn í Fljótavík, sá merki maður Júlíus Geirmundsson, hafi gjarnan sagt þegar hann mætti manni á götu – sem var dapur og bar sig illa: “Hvað er að vinur? Átt þú ekki matarbita í búri og klæði á skrokkinn?” Kynslóð Júlíusar Geirmyndssonar gerði ekki meiri kröfur til lífsins………

1980:   Ártal er ágiskun. Snorri Grímsson segir í göngulýsingu um Fljótavík frá því þegar Júlíus lét slá Grafarhólinn. Lesið frá næst neðstu greinarskilum.

2013:    30.des.  Gunnar Þórðarson skrifar um afa sinn – og lífið í Fljótavík

2014:    Í febrúar keypti Júlíus Högnason afrit af hljóðritunum af rímnasöng og af viðtali  (sjá 1941 hér fyrir ofna) við Júlíus Geirmundsson. Þessar upptökur  má nú heyra á vefsetrinu Soundcloud með því að velja viðkomandi hlekki. Júlíus Högnason á miklar þakkir skildar fyrir framtakið. 

Viðtalið er allt saman í einni lotu, en til að auðvelda það að finna talmál á rímnaupptökunum eru hér tímar til að styðjast við:

Tími  0,0   –   7,20      :  Rímur

Tími   7,21 –  12,13    :   Viðtal um rímur – hvar hann lærði þær og fleira. 

Tími 12,14  – 26,49   :   Rímur

Tími 26,52  –  30,49  :   Viðtal um rímur

2017:    Í mars gaf Kristján G Jóhannsson, sonarsonur Júlíusar og Guðrúnar út bækling um þá báta sem hafa borið nafn Júlíusar, þau 50 ár frá því að sá fyrsti bar það nafn.  Þann bækling má lesa hér: HG_JuliusGeirmundsson_baeklingur (1)

 

Óbeint:   Fjóri bátar hafa borið nafn Júlíusar Geirmundssonar. Áhöfnin á Júlíusi Geirmundssyni heldur úti Faceboksíðu um lífið og tilveruna um borð.

4 Replies to “Júlíus Geirmundsson og Guðrún Jónsdóttir”

  1. Kærar þakkir Ásgeir, þetta er alveg tær snilld.
    kveðja
    Dóra Þórðar

  2. Bara svona að gamni þá voru líka til bátar sem báru nafn ömmu, Guðrún Jónsdóttir þótt það væru ekki togarar.

    1. Rétt hjá Halldóru. Ég las þetta yfir í morgun áður en ég ákvað að benda fólki á þetta – og tók þá eftir þessari gömlu karlrembu – yfirskrfitin nefnir bæði hjónin – en að öðru leiti, að minningargrein undanskilinni, fjallar allt um bóndann. Ekki gott……..

Þín ummæli eru vel þegin ....