Fólk

Print Friendly, PDF & Email

Það fennir í spor eftir gengið fólk – líka spor þeirra sem lifðu og hrærðust í Fljótavík þegar hún var í byggð. En Tunguhornið er þarna enn. Kanski er fjallið gróðursælla og kanski hafa steinar og skriður fallið – en stórt séð eins og t.d. 1906 eða bara frá landnámi.

Þegar tekið var upp á því að leita upplýsinga um ábúendur í Fljótavík, varð ljóst að oft voru þær upplýsingar sem sýndar eru á listunum yfir ábúendur, aðeins brot af því sem má finna. Í einhverjum tilfellum þurfti að velja og hafna.

Út frá því kemur sú hugsun, að búa til nýjan flipa – Fólk –  á forsíðu heimasíðunnar og safna smám saman því sem finnanlegt er á síðum með mannanöfnum.  Svona síður verða kanski ekki sérstaklega spennandi útlitslega séð, en eru liður í því að standa við upphaflaga hugsun við gerð síðunnar:

…….Það er mikilvægara að safna upplýsingum um liðna tíð en að hugsa svo mikið um útlit síðunnar….. (eða myndir af fjöllum…..)

… því þegar allt kemur til alls, er til fullt af myndum af Tunguhorninu.

Það er ekki úr vegi að  velja  Júlíus Geirmundsson til að sýna hvernig svona síður gætu orðið. Til viðbótar við það sem finnst smám saman og verður tengt nafni viðkomandi, væri afar gaman að þið sem tengist þessum nöfnum mest, mynduð skrifa eitthvað sem mætti setja inn á þessa síðu.

Eins og með allt sem tengist heimasíðunni fer ég fram á hjálp við að safna upplýsingum – ábendingum – villuleit – hugmyndum… o.s.frv., o.s.frv…. o.s.frv….. . Ef þið finnið eitthvað á internetinu sem þið teljið eiga heima hér – er einfaldast að setja blokk á þá slóð í vafranum – velja Ctrl-C  og fara svon inn í póstforrit og velja þar Ctrl-V og senda á aami@rafpostur.is

Þín ummæli eru vel þegin ....