Að skoða myndir …..

Uppfært 21.feb. 2019

Inngangur

Forritið Nextgen Gallery (Plus)  er notað til að sýna myndir, enda langvinsælast í WordPress heiminum.

Leiðbeiningar

Öll myndasöfn eru sett upp á svipaðan hátt. Hvernig söfnin birtast fer t.d.  eftir upplausn myndanna og stærð og upplausn skjás.

Þegar myndasafnið opnast, sést ein mynd, sem þó breytist fljótt í næstu mynd. Þetta er lítil “slides sýningarvél. Skoða má myndir beint á þessu smáa formi. Betra er þó að rýna í neðra hægra hornið á myndinni og velja þar pílutáknið, eða textablöðruna – og þá fer stærri útgáfan af “slides sýningarvélinni” í gang.

Nú ætti að opnast stærri mynd – með “Comments” glugga hægra megin við myndirnar. Undir stóru myndinni ætti að opnast lágrétt röð af og pínulitlum myndum úr myndasafninu. Lengst til vinstri undir stóru myndinni ættu þessi tákn að sjást:

IMG_2788

Tákn 1 – lengst til vinstri – þríhyrningur setur slides sýningarvélina í gang, og á meðan koma þar tvö samhliða strik, sem tákna hlé ef það er valið.

Tákn 2 – pílur út frá miðju – táknar að með því megi stækka myndina, ef aðstæður leyfa. Velja þarf Esc til að minnka skjáinn aftur – eða klikka á skilaboðin efst.

Tákn 3 –  “i” –  opnar upplýsingaskjá undir myndinni. Þarna birtist texti sem kann að hafa verið skrifaður inn til skýringar. Lesendur geta ekki skrifað þarna.

Tákn 4 – textablaðra – lengst til hægri  opnar skjá hægra megin við myndina. Þar getið þið skrifað athugasemdir – en textinn vistast aðeins ef þið gerið grein fyrir ykkur. Það getið þið gert beint með því að fylla út í viðeigandi glugga – eða notað Facebookskráningu, sem þá þarf að haka við undir innsláttarglugganum. Athugið að oft birtist textinn ekki strax – og þá þarf stjórnandi að samþykkja textann.

Athugið: Ég  lokaði möguleikanum á að skrifa athugasemdir  –  því  þessi blaðsíða varð fyrir tíðari “árásum” en aðrar síður.

Print Friendly, PDF & Email