Allir ábúendalistar komnir á síðuna

Nú eiga listarnir um ábúð jarðanna í Fljótavík að vera komnir í lag. Eins og þið sjáið er ég þó að reyna að finna einhverjar viðbótarupplýsingar sem fróðlegt væri að bæta við. Ég set tengingar í aðra vefi eða skrifa einhvern texta.

Hitt er svo annað mál – að ég er ekki að fullu búinn með þessa lista – í þeirri meiningu að ég er ekki búinn að fullskoða það hvort ég finni eitthvað á netinu til að tengja við nöfnin…

….og eins….

…. þarf ég að fara yfir þær tengingar sem eru komnar og skoða það hvort ég geri ekki síðu um viðkomandi ábúendur undir flipanum Fólk – og þar með yrði tengin á ábúðarlistanum sett yfir á Fólk-síðuna. Virkar flókið ….. og er það að einhverju leiti barar líka.

áá

 

Fólk

Ég hef áður varpað þessari spurningu fram: Hvað ætli að það séu til margar myndir af fjallinu Tunguhorni í Fljótavík? Þorir einhver að giska?  Þúsund? Tíu þúsund? Tugir þúsunda…….?

Þá kemur önnur spurning. Hvað ætli að það séu til margar myndir af Margréti Katrínu Guðnadóttur (eldri) eða Guðrúnu Jónsdóttur, frá þeim tímum sem þær lifðu í Fljótavík? Vafalaust fleiri af Guðrúnu,  enda dó Margrét Katrín mun fyrr, – en myndirnar eru ekki margar – skiljanlega, þar sem myndavélar voru ekki efst á innkaupalistum íbúa Fljótavíkur, þó þær hafi verið komnar til sögunnar.

Það fennir í sporin eftir gengið fólk – en Tunguhornið er þarna enn – kanski aðeins gróðursælla og kanski hafa einhverjir steinar og skriður fallið – en stórt séð eins og t.d. 1906 eða bara frá landnámi.

Þegar ég tók upp á því að leita upplýsinga á internetinu um þá sem Sléttuhreppsbókin segir hafa verið ábúendur í Fljótavík, áttaði ég mig á því, að kanski eru þær upplýsingar sem ég fann og sýni, aðeins brot af því sem má finna á vefnum. Í einhverjum tilfellum þurfti ég að velja og hafna og ákveða hvað ég tengdi í ábúendalistann.

Út frá því kemur sú hugsun, að prufa að búa til flipa á aðalsíðu síðunnar, sem t.d. gæti heitið “Fólk” , og safna því sem ég finn inn á síður með nöfnum fólksins.  Svona síður yrðu kanski ekki sérstaklega spennandi útlitslega séð, en væru samt liður í því að standa við upphaflaga hugsun við gerð síðunnar:

…….Það er mikilvægara að safna upplýsingum um liðna tíð en að hugsa svo mikið um útlit síðunnar…..

… því þegar allt kemur til alls, þá er til fullt af myndum af Tunguhorninu.

Ásgeir

PS : Til að byrja með gætu svona síður litið út svona: Júlíus Geirmundsson.

Eins og með allt sem tengist þessari síðu, fer ég fram á hjálp við að safna upplýsingum – ábendingum – villuleit – hugmyndum… o.s.frv., o.s.frv…. o.s.frv…..

————————————

PS 2: Þessi klausa hér að ofan, er mikið til sami texti og sést nú á aðalsíðunni “Fólk” . Ég leyfi þessu að standa svona – því þessi texti færist smám saman neðar þegar eitthvað bætist fyrir ofan – en hinn textinn undir aðalsíðunni “Fólk” verður þar

 

Fellistika eða ekki fellistika…..

Þegar ég valdi það útlit sem nú er á heimasíðunni, reyndi ég að hafa þetta eins hreint og ruglingsfrítt og mér var mögulegt. Maður getur þó ekki fengið allt.

Þegar farið er með bendilinn yfir yfirskriftir eins og : Ábúendatal, Göngulýsingar, Hús nú í Fljótavík, Landeigendur, Örnefni og svo framvegis, birtist strax svokölluð fellistika með lista yfir undirsíður.

Einhverjir hafa ekki áttað sig á, –  og það skil ég bara mjög vel,  – að þar sem fellistikur koma fram, stendur líka eitthvað á aðal síðu þess flokks. Veljið aðalsíðurnar til að sjá þetta.

Þar sem engar fellistikur koma upp, er þetta augljósara. Tímalínan, til að taka mest áberandi dæmið, er ekki með undirsíðu – og þar velur maður yfirskriftina Tímalína – og þá birtist hún öll á einni síðu.

áá 170214