Posts

Posted on

Flundran er komin…..

Það þarf víst engum blöðum um það að fletta….. flundran er komin út um allan ós – þ.e.a.s. sjávarmegin við Langanes.  Hörður Ingólfsson hjá Veiðifélagi Fljótavíkur segir að eftir því sem hann best viti, hafi flundra ekki farið inn fyrir (fram fyrir) Langanes inn í vatnið. Þó getur flundra þrifist alls staðar þar sem silungur þrýfst og því mun minni selta í vatninu ekki koma í veg fyrir að flundran fari þangað og jafnvel fram að Reyðá – því miður. Hörður hefur þó upplýsingar sem benda til þess að flundra fari ekki yfir steinóttan botn eins og er í rennunni  meðfram innanverðu/framanverðu Langanesinu, heldur haldi sig alfarið við sendinn botn.   

Julí tæming 862

Veiðifélag Fljótavíkur hefur gert tilraunir með að leggja sérútbúið net í þeim tilgangi að grisja og meta stærð flundrustofnsins. Þarna er sú staðreynd nýtt að silungur heldur sig ekki alveg við botninn þar sem flundran er. Netin eru útbúin þannig að möskvarnir eru bundnir niður á blýteininn þannig að svo til allir möskvar aðrir en efsta röðin – þ.e.a.s. sú sem er næst flotunum – eru bundnir við sökkuteininn og netið liggur þá allt í botninum að undanskilinni smá rönd sem lyftist mest 15 cm frá botninum. Þessi litla rönd er nóg til að grípa flundruna – og hefur hún veiðst í tugatali í svona net – en enginn silungur hefur veiðst þannig.

Einnig hefur verið gerð tilraun með að binda netslitrur við steina og ánetjast  einnig töluvert af flundrunni í slíkt – en enginn silungur.

Á myndinni hér að ofan sést Hörður vera að vitja í svona útbúnað – og augljóst er að að það er gríðarlega mikið af flundru í ósnum – þarna eru 3 fiskar á eins meters parti og það grillir í fisk í botni álbátsins.  Með Herði er Jón Ólafur sonur hans. Eitthvað verða flundrur að éta, og líklegt að seiði bleikjunnar séu ofarlega á matseðlinum.

Ítrekað skal að þessar tilraunaveiðar voru á vegum Veiðifélags Fljótavíkur – og breyta ekki því að öll netaveiði á vatnasvæði Fljótavíkur að sjó – er bönnuð.

flunder En hvað er flundra?   Veiðimálastofnun er með lýsingu.   Flundran er matfiskur, en til þess að það sé eitthvert vit í að flaka hann þarf þyngdin að vera komin upp í minnst 300 g. Heimildir eru um að flundra hafi verið með allra dýrustu fiskum á matseðlum á fínum matsölustöðum úti í heimi.

Er þá ekki málið að safna uppskriftum um matreiðslu flundru – og veiða hana – eða húkka – með stöng.  Sláið inn “cooking flounder” í leitavélar og þið finnið helling af uppskriftum. Gegnumgangandi virðist þetta ganga út á að flaka fiskinn – steikja í einhverri fitu og kryddi,  og sjá svo til þess að safi úr appelsínum komi einhvers staðar nálægt – hvort sem það er í marineringu og/eða sósu. Hver er með bestu uppskriftina fyrir Fljótavík?

Posted on

Skemmtiferðarskip í Fljótavík

Rétt fyrir sveitastjórnarkosningar í vor (2014), samþykkti stjórnkerfi Ísafjarðarbæjar að fara fram á breytingar á reglum um umgengni um friðland Hornstranda, í þá veru að draga úr lágflugi flugfara, hvort sem um væri að ræða þyrlur eða flugvélar, og jafnframt að herða reglur um akstur vélknúinna ökutækja, – og þar var verið að horfa sérstaklega til kröftugra vélsleða.

Stuttu fyrr var fjaðrafok í kring um grein sem skrifuð var – meðal annars –  um hávaðamengun í friðlandinu, og fannst sumum sem þar væri verið að kasta steinum úr glerhúsi, enda væri höfundurinn sjálfur að selja ferðir inn á svæðið, þar sem hann hafði einmitt mikla hagsmuni af því að þarna væri kyrrð og friður…. ja nema hávaðamengunin stafaði frá hans fyrirtæki, að sjáfsögðu. Virtist vera samhengi á milli þessarar greinar og þess að bæjaryfirvöld tóku málefnið upp. Í  greininni var einnig gefið til kynna að landeigendur hefðu að einhverju leiti afsalað sér réttindum sínum við undirbúning friðlýsingarinnar. Þegar greinarhöfundur var beðinn um að benda á hvar hægt væri að afla sér upplýsingar um þetta – gat hann það ekki. (sjá umræður undir nefndri grein)

En – hvort sem landeigendum líkar það betur eða verr – og vel að merkja – hef ég aldrei heyrt amast yfir því að ferðamenn heimsæki Fljótavík – þá kemur það svolítið spánskt fyrir sjónir að finna myndskreytta ferðalýsingu sem sýnir skemmtiferðarskip – reyndar í minni kantinum – liggja úti á víkinni, og ferðamenn í tugatali komna upp á sandinn. Þessa frásögn má finna hér.

Sumum finnst að það sé túlkun margra að landeigendum beri að afsala sér sínum réttindum og varðveita landið ósnert að mestu – til þess að taka á móti ferðamönnum…….. og þá skítt með eigendur.

Ásgeir

Fljotavik Bay, Hornstrandir
Landing at Fljotavik Bay
Fjlotavik Valley
Sunlight Patterns on Flotjavik Valley
Emerging Wild Flowers

Posted on

Pistill 4.júlí 2014

IMG_3869Þrátt fyrir mikil snjóalög í Fljótavík á vormánuðum – og þrátt fyrir að erfitt hafi verið að komast í víkina fögru vegna þessa – er það samt þannig að margt og mikið gerðist í nýliðnum júnímánuði.

Komið var til að kíkja í alla bústaði – nema Anitubæ að ég held, en þar eru allir gluggar heilir og ekki að sjá skemmdir fremur en á öðrum bæjum.

Fyrstu sumardvalargestir komu að Atlastöðum laust eftir miðjan mánuðinn. Þá var búið að vitja um Tungu, og fólk komið í vinnuferðir í Lækjabrekku (húsið hólfað að innan) og til að byggja Bárubæ, þar sem mænir hafði verið reistur fyrir mánaðarmót. Atlatunga byggðist óvenju seint, um Hvítasunnu, og þá var komið að Skjaldabreiðu. Vitjað hefur berið um Brekku og vinnuhópurinn sem byggir Bárubær dvaldi í Júllahúsi.

Hitastig hefur sennilega verið umfram meðallag í júní og gróður sprottið vel á láglendi, en mikill snjór er enn í víkinni, sérstaklega fyrir framan (innan) Langanes.

Ritstjóri komst í örfáa daga í Atlatungu eftir miðjan mánuðinn. Þeir sem eru á Facebook geta séð myndir frá ferðinni á síðunni Fljotavik.is á FB, en sú síða er öllum opin.

Þá hafið þið sem eruð á Facebook og hafið stofnað til vinskapar við fólk sem tengist Fljótavík möguleika á að skoða myndir sem nýlega hafa verið settar inn, úr ferðum fólks til Fljótavíkur. Þar má meðal annars sjá myndir sem tengjast byggingu Bárubæjar, og myndir úr sextugsafmæli sem haldið var í víkinni fyrir stuttu.

Af fleiri jákvæðum fréttum má nefna að nú hafa tvær flugvélar sem tengjast víkinni verið endurbyggðar og eru flugfærar. Annars vegar er það vélin TF-SUE sem skemmdist í hvassviðri á Ísafjarðarflugvelli  og ber nú einkennið TF-LSD – og hins vegar vél sem bar einkennisstafina TF-IOO þegar hún skemmdist í Fljótavík, en ber nú einkennið TF-DVD. (Að einhverju leiti mun þarna vera um að ræða svipað ferli og hjá bóndanum sem var búinn að eiga sömu öxina í 50 ár – þó búið bæri að skipta oft um bæði skaftið og hausinn…… eða þannig).

 

Ásgeir

 

Posted on

Föstudagspistill 13. júní 2014

Það verður að viðurkennast að undanfarnar vikur hef ég ekki haft mikinn tíma aflögu sem ég get notað í heimasíðuna. Þann tíma sem ég hef þó haft, hef ég nýtt í síður sem þið sjáið ekki – enn sem komið er hið minnasta.

Það vita allir að snjóalög hafa verið óvenju mikil í Fljótavík í vetur og vor. Fyrir viku var gríðarlegur snjór eftir fyrir framan (innan) Langanes.

En – fólk er farið að koma í bústaðina. Þannig hefur fólk dvalið í Lækjabrekku, og búið er að vitja um Tungu. Bogga og Ingi fóru í Atlatungu um Hvítasunnu. Veit ekki um aðra bústaði – en fróðlegt væri þó að heyra.

Þar sem ég hef, eins og áður sagði, lítinn tíma aflögu, langar mig að varpa því fram hvort einhverjir þarna úti gætu ekki hugsað sér að setjast niður og skrifa pistla til birtingar hér? Það er í raun af mörgu að taka.

Ásgeir

Posted on

Föstudagspistill 30. maí 2014

Eins og gengur, koma upp kringumstæður sem leiða til þess að maður getur ekki haldið einhverju til streitu. Ég var ég kominn með smá hefð fyrir að láta vita á föstudögum, um hvað ég hefði verið að bralla á heimasíðunni síðustu vikuna – en undanfarið hefur þetta riðlast.

Ég hef verið á flakki – erlendis og innanlands. Þannig náðum við á ball hjá BG í Edinborg á Ísafirði – og það var sko gaman – og sá viðburður tengist nú heldur betur Fljótavík – og við dvöldum nokkra daga á Ísafirði – af annarri ástæðu – og ég gæti tínt til fleiri afsakanir en látum það liggja á milli hluta.

En – ég hitti mann og annan – og ég heyrði að fólk saknar þess ef ekkert kemur. Ég sé líka á teljurum og línuritum að það er vaxandi fjöldi að fara inn á síðuna. Ég fæ þó lítil skrifleg viðbröðg eða ábendingar um hvæð ég ætti að gera….. eða gera betur. Ég sakna þess – og get ekki skrifað um það sem mér dettur ekki í hug – svo ég hvet enn og aftur til þess að þið sendið mér nú eitthvað til að mauðla úr.

Ég hef svo sem verið að bralla ýmislegt á síðunni – því það stendur yfir vinna við gerð upplýsinga um margt sem tengist Atlatungu – nokkuð sem kallast Gæðahandbók. Það kostar vinnu og heilabrot – og svo veit maður að margt af því sem er fullafgreitt í dag….. breytist á morgun – og þá þarf að breyta lýsingum upp á nýtt – en það  er nú bara smotterí. En – þó svona lýsing sé á heimasíðunni – þarf aðgangsorð til að komast þar inn – en það er hægt að gera svona fyrir aðra bústaði líka……. og þá með öðrum aðgangsorðum. Ég var búinn að fara yfir þetta áður.

Það sem helst er nýtt á síðunni nú er að ég var að yfirfæra söguna um “Sviplegt fráfall tófu” frá gömlu síðunni.

Ásgeir

Posted on

18.maí 2014…… 40 ár frá ísbirni

Þennan dag, 18.maí, fyrir 40 árum, eða 1974, var ísbjörn veginn við skýli SVFÍ í Fljótavík. Það er búið að segja svo oft frá þessu og skrifa að sumum fer að líða eins og þeir hafi verið á staðnum, eins og einn aðili skrifaði inn í blogg þegar þessi heimasíða birti fásögn Jósefs H Vernharðssonar af þessu. En í tilefni dagsins væri ekki úr vegi að renna enn einu sinni yfir þetta t.d. með því að lesa frásögn Jósefs, og/eða blaðafregnir sem skoða má út frá TÍMALÍNUNNI við þennan dag árið 1974.

Ásgeir

EnglishUSA